Plantun de Prouvènço

Pèr coumpara dos planto d'encò nostre

Cerastium semidecandrum & Minuartia verna

Cerastium semidecandrum

Caryophyllaceae

Noms en français : Céraiste à cinq étamines, Céraiste des sables.

Descripcioun :
Pichoto planto menudo de l'an que vèn bèn dins li relarg roucassous e li sablo. Se recounèis i bord di sepalo que soun membranous (fotò). Coumpara emé lou ceraiste-menut que ié sèmblo proun, mai qu'èi pu pegous e pelous.

Usanço :
Aquéli pichòti planto soun pas trop couneigudo e nimai sis usanço. Escriéure au site se n'en sabès mai.

Port : Erbo
Taio : Pancaro entresigna
Fueio : óupousado
Tipe bioulougico : Teroufite
Cicle bioulougico : Planto de l'an

Gènre : Cerastium
Famiho : Caryophyllaceae

Ordre : Caryophyllales

Coulour de la flour : Blanco
Petalo : 5
Ø (o loungour) flour : Pancaro entresigna
Flourido : Printems

Sòu : Ca
Autour basso e auto : 0 à 1200 m
Aparado : Noun

Liò : Roucaio - Colo - Sablo
Estànci : Termoumediterran à Subremediterran
Couroulougi : Pancaro entresigna
Ref. sc. : Cerastium semidecandrum L., 1753

Lineto(-dóu-printèms)

Minuartia verna

Caryophyllaceae

Nom en français : Minuartie de printemps.

Descripcioun :
La lineto-dóu-printèms es uno pichoto planto renadivo que trachis en mato dins li tepiero roucaiouso de mountagno. Li cambo porton de pichòti fueio óupousado di tres costo. Pèr pas s'engana emé de planto proche, alucas li sepalo que dèvon èstre emé de bord membranous pas trop espès, di tres costo e bèn dubert à la flourido. Peréu li petalo an un ounglet courtet au contro de Minuartia villarii. Pensa d'utilisa la coumparesoun se sias pas segur qu'es eisa de s'engana.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 2 à 15 cm
Fueio : óupousado
Tipe bioulougico : Camefite
Cicle bioulougico : Planto renadivo

Gènre : Minuartia
Famiho : Caryophyllaceae

Ordre : Caryophyllales

Coulour de la flour : Blanco
Petalo : 5
Ø (o loungour) flour : 6 à 10 mm
Flourido : Printèms - Estiéu

Sòu : Ca
Autour basso e auto : 400 à 3000 m
Aparado : Vo
Jun à setèmbre

Liò : Tepiero roucaiouso - Esboudèu
Estànci : Mountagnard à Aupen
Couroulougi : Ouroufito-Éurasiatico
Ref. sc. : Minuartia verna (L.) Hiern, 1899

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Cerastium semidecandrum & Minuartia verna

CCC

Coumpara Ceraiste(-di-cinq-estamino) emé uno autro planto

Coumpara Lineto(-dóu-printèms) emé uno autro planto