Bourso-à-pastre
Capsella bursa-pastoris subsp. pastoris
Brassicaceae Cruciferae
Àutri noum : Erbo-dóu-cor, Erbo-de-l'evangèli, Carnié-de-pastre, Nastou-fèr, Nestoun.
Nom en français : Bourse-à-pasteur.
Descripcioun :Lou biais lou mai eisa pèr la recounèisse èi de segur si pichot boursèu en formo de cor (l'erbo-dóu-cor) que dounon d'èr i bourso di pastre d'à passa tèms. Coume flouris dins li champ quàsi tout de long de l'annado es eisa de la rencountra. Isto peréu la meno rubella, rouginasso, emé de boursèu un pau mai larg.
Usanço :La bourso-à-pastre rintro dins la coumpousicioun de l'ensalado champanello, mai tout se manjo dins aquelo planto, di racino i flour. De la meme famiho que la moustardo (Brassicaceae), n'a tambèn un pau lou goust. Li chinés la cultivon coume liéume. Ei couneigudo peréu pèr èstre vertuouso contro li proublèmo de circulacioun dóu sang (cambo lourdo, moureno...).
Port : Erbo
Taio : 5 à 40 cm
Fueio : basalo
Tipe bioulougico : Teroufite
Cicle bioulougico : Planto de l'an
Gènre : Capsella
Famiho : Brassicaceae
Famiho classico : Cruciferae
Ordre : Brassicales
Coulour de la flour :
Blanco
Petalo : 4
Ø (o loungour) flour : 3 mm
Flourido : Printèms
Autouno - Ivèr
Sòu : Ca
Autour basso e auto : 0 à 1800 m
Aparado : Noun
Remarco : Ensalado champanello
Janvié à desèmbre
Liò : Champ
- Ermas
- Camin
- Escoumbre e proche dis oustau
Estànci : Termoumediterran à Subaupen
Couroulougi : Bourealo
Ref. sc. : Capsella bursa-pastoris subsp. pastoris (L.) Medik., 1792
Baganaudié
Colutea arborescens
Fabaceae Leguminosae
Àutri noum : Brouteirolo, Faus-sené, Cascavèu, Glou-glou, Pan-pan.
Noms en français : Baguenaudier, Arbre à vessies.
Descripcioun :Lou baganaudié es un aubrihoun de l'estànci di colo que pòu mounta fin qu'à 1500m. Si flour soun jauno emé de fuioun quàsi round, mai de tout segur, soun si baganaudo (dóu latin baca) vo cascavèu que laisson passa lou lume, que tiron l'iue.
Usanço :Coume lou sené si grano soun purgativo, mai avisas-vous de n'en pas trop prendre.
Port : Aubre
Taio : 1 à 3 m
Fueio : coumpausado
Tipe bioulougico : Faneroufite
Cicle bioulougico : Planto renadivo
Gènre : Colutea
Famiho : Fabaceae
Famiho classico : Leguminosae
Ordre : Fabales
Coulour de la flour :
Jauno
Petalo : irreguliero
Ø (o loungour) enflourejado : 15 mm
Flourido : Printèms
- Estiéu
Sòu : Ca
Autour basso e auto : 200 à 1800 m
Aparado : Noun
Abriéu à juliet
Liò : Fourni
Estànci : Mesoumediterran à Coulinen
Couroulougi : Éuroupenco-Cèntre-Sud
Ref. sc. : Colutea arborescens L., 1753
