Plantun de Prouvènço

Pèr coumpara dos planto d'encò nostre

Arisarum vulgare & Picea glauca

Capouchoun

Arisarum vulgare

Araceae

Àutri noum : Calèu, Figuieroun.

Noms en français : Gouet à capuchon, Capuchon.

Descripcioun :
Lou capouchoun trachis en group, bonodi soun rizoumo, dins li relarg pulèu safranous proche de la coustiero. En deforo se vèi en liò. Li fueio an un long pecou. Flouris l'autouno e l'ivèr dins uno meno de fuioun en formo de capuchoun.

Usanço :
Li tubercule soun manjadis après lis agué fai bouli dins mant'uno aigo. Pamens la planto caup de sapounino empouisounanto e n'en fau s'en mesfisa, fai proun bóumi (emetico).

Port : Erbo
Taio : 3 à 30 cm
Fueio : basalo
Tipe bioulougico : Geoufite
Cicle bioulougico : Planto renadivo

Gènre : Arisarum
Famiho : Araceae

Ordre : Alismatales

Coulour de la flour :
Petalo : ges
Ø (o loungour) enflourejado : 2 à 4 cm
Flourido : Autouno - Ivèr

Sòu : Si
Autour basso e auto : Pancaro entresigna
Aparado : Noun
Remarco : Planto de coustiero

Liò : Terraire safrous - Garrigo - Roucas - Éusiero
Estànci : Termoumediterran à Mesoumediterran
Couroulougi : Estenomediterrano
Ref. sc. : Arisarum vulgare O.Targ.Tozz., 1810

Serento(-verdalo)

Picea glauca

Pinaceae

Àutri noum : Serénta, Sarento, Sourento, Serinte, Sùfi.

Nom en français : Epinette blanche.

Descripcioun :
Aquesto serento nous vèn d'Americo de l'uba (Alaska e Canada). En Prouvènço èi pas couneigudo coume planto de rebouscage (au contro di Pirenèio e de l'Aubrac). Sèmblo proun à nosto serento, pamens li fueio, aleva di jouino que soun bruno, soun bèn verdalo. Li pigno soun mens longo peréu (2,5 à 6 cm). Aquéstis aubre vènon de l'Erbo-blanco en Alouos (04). Sabèn pas se van se naturalisa.

Usanço :
Dèu agué li mémis usanço que la serento.