Plantun de Prouvènço

Pèr coumpara dos planto d'encò nostre

Trigonella esculenta & Asparagus acutifolius

Jauneto

Trigonella esculenta

Fabaceae Leguminosae

Autre noum : Jauneto(-manjadisso).

Noms en français : Trigonelle comestible, Trigonelle à petites cornes.

Descripcioun :
Aquesto jauneto pòu èstre proun coumuno dins d'ùni relarg de Prouvènço. Es uno planto de l'an que se recounèis à si enflourejado jauno de 8 à 25 flour pourtado pèr un pecou pulèu long. Si dòusso peréu soun eisa de recounèisse, soun torso de 10 à 16 mm.

Usanço :
Li grano soun manjadisso, mai avèn pas d'entresigne sus de biais de la manja au nostre. Escriéure au site se n'en sabès mai.

Port : Erbo
Taio : 10 à 60 cm
Fueio : coumpausado
Tipe bioulougico : Teroufite
Cicle bioulougico : Planto de l'an

Gènre : Trigonella
Famiho : Fabaceae
Famiho classico : Leguminosae

Ordre : Fabales

Coulour de la flour : Jauno
Petalo : irreguliero
Ø (o loungour) flour : 6 à 8 mm
Flourido : Printèms - Estiéu

Sòu : Ca
Autour basso e auto : 0 à 600 m
Aparado : Noun

Liò : Champ - Camin - Ermas
Estànci : Termoumediterran à Subremediterran
Couroulougi : Estenomediterrano
Ref. sc. : Trigonella esculenta Willd., 1809

Espargo-fèro

Asparagus acutifolius

Asparagaceae

Àutri noum : Aspàrgou, Espargasso, Roumanin-couniéu, Roumiéu-couniéu, Pèd-de-Róumi.

Nom en français : Asperge sauvage.

Descripcioun :
L'espargo-fèro es uno planto bèn couneigudo de nòsti garrigo e éusiero. A la fin de l'ivèr sort de terro, èi lou moumen de l'acampa ! Pièi la tijo devèn duro coume uno co-rudo. Flouris tardié, raramen avans juliet.

Usanço :
Coume l'avèn di, s'acampo à la primo pèr li meleto. La planto èi proun bono pèr la santa, richo en vitamino (A, B, C, PP...) e en sau mineralo (P, Mn...). Fai pissa (óudour de 1,2-ditiole) e es un pau lachativo.