Famiho : Asparagaceae, i'a 24 meno.

Pèr counèisse e recounèisse li planto d'encò nostre

Lis Asparagaceae (famiho de l'espargo), bonodi lis estùdi genetico, caupon, à l'ouro d'aro, pèr ço qu'es impourtant au nostre, lis anciàni famiho que ié disien Hyacinthaceae (famiho dóu barralet), Aphyllanthaceae (famiho dóu bregaloun), Ruscaceae (famiho dóu verd-bouisset) e d'autro (coume Agavaceae, Anthericaceae, Convallariaceae...). De nouta pamens que la Classificacioun de Cronquist (1981) boutavo tout acò dins li Liliaceae

Soun d'erbo renadivo emé de rizoumo. Li fueio de la famiho classico d'Asparagaceae soun di mai pichoto (A1).

Li flour, soulitàri o groupado, soun regulièro emé sièis tepalo (A1, H2, L1). Soun tipicamen estellado encò Scilla (L1). S'atrobo peréu sièis estamino.

I'a tres carpello sóudado, ço que douno, siegue uno "grano" (Asparagus, Ruscus, Polygonatum, ...), siegue un boursèu di tres partido (L2-Anthericum, Loncomelos, Ornithogalum, Muscari, Scilla,...).