Plantun de Prouvènço

Pèr coumpara dos planto d'encò nostre

Anchusa undulata & Asparagus acutifolius

Anchusa undulata

Boraginaceae

Nom en français : Buglosse à feuilles ondulées.

Descripcioun :
Aquesto planto, pulèu raro, douno d'èr à la lengo-de-biòu, mai trachis dins l'an. Se rescountro dins lis ermas riche en azoute. Se n'en destrìo bonodi si flour un pau mai pichoto e d'un blu mai sourne. Li fueio soun peréu oudado.

Usanço :
Couneissèn pas d'usanço pèr aquesto planto, pamens tant se poudrié que siguèsse manjadisso en vertuouso coume sa cousino.

Port : Grando erbo
Taio : 20 à 100 cm
Fueio : alterno
Tipe bioulougico : Teroufite
Cicle bioulougico : Planto de l'an

Gènre : Anchusa
Famiho : Boraginaceae

Ordre : Ordre pas nouma

Coulour de la flour : Bluio
Petalo : 5
Ø (o loungour) flour : 0,6 à 1 cm
Flourido : Printèms

Sòu : Ca
Autour basso e auto : 0 à 600 m
Aparado : Noun
Abriéu à mai

Liò : Ermas - Tepiero - Camin
Estànci : Mesoumediterran
Couroulougi : Mediterrano-altanlico
Ref. sc. : Anchusa undulata L., 1753

Espargo-fèro

Asparagus acutifolius

Asparagaceae

Àutri noum : Aspàrgou, Espargasso, Roumanin-couniéu, Roumiéu-couniéu, Pèd-de-Róumi.

Nom en français : Asperge sauvage.

Descripcioun :
L'espargo-fèro es uno planto bèn couneigudo de nòsti garrigo e éusiero. A la fin de l'ivèr sort de terro, èi lou moumen de l'acampa ! Pièi la tijo devèn duro coume uno co-rudo. Flouris tardié, raramen avans juliet.

Usanço :
Coume l'avèn di, s'acampo à la primo pèr li meleto. La planto èi proun bono pèr la santa, richo en vitamino (A, B, C, PP...) e en sau mineralo (P, Mn...). Fai pissa (óudour de 1,2-ditiole) e es un pau lachativo.