Gènre : Lathyrus, i'a 20 meno.

Pèr counèisse e recounèisse li planto d'encò nostre


Li Lathyrus o jaisso soun tóuti d'erbo de l'an o renadivo.

Pèr la maje-part an de fueio acabado pèr de vediho (1) coume pèr li Vicia, mai an li cambo emé d'alo (2) e pas gaire de fueioun (3).

De cop que i'a, li fueio soun remplacado pèr de filoudo (es à dire qu'an un pecou alarga).

Li flour soun en grapo (4), raramen souleto.

I'a dès estamino en dous group (diadelfo) emé un tube trounca.

L'estile èi pelous sus lou dessubre.

La dóusso es aloungado, primo e aplatido (5).

Soun de planto recercado pèr lou fourrage que soun richo en azote. Coume tóuti li Fabaceae fisson lou diazote de l'èr.

Pèr la maje-part, li grano de jaisso soun empouisounanto e dounon uno malautié néuroulougico, lou latirisme (presènci d'ODAP).