Gènre : Carduus, i'a 8 meno.

Pèr counèisse e recounèisse li planto d'encò nostre


Li Carduus soun d'erbo, de l'an o renadivo, espinouso pulèu forto (1).

Li fueio soun alterno, penado e remounton souvènt sus la cambo qu'a d'alo espinouso peréu (2).

La "flour" èi coumpausado de flouroun tóuti en tube roso à vióuleto. Li bratèio soun espinouso (3).

Li fru an d'eigreto emé de sedo denticulado (au contro di Cirsium que soun plumouso) (4).

Au nostre ié dison cardoun, tout un fube de planto que d'un poun de vist boutani n'en soun pas, coume d'ùni Cirsium e d'àutri meno, pèr eisèmple Dipsacus fullonum, Silybum marianum...

Li "vertadié" cardoun soun pas empouisounant mai souvent un pau dur pèr èstre manja.