Plantun de Prouvènço

Pèr coumpara dos planto d'encò nostre

Ecballium elaterium & Camphorosma monspeliaca

Coucoumbrasso

Ecballium elaterium

Cucurbitaceae

Àutri noum : Coucoumasso, Coucouroumasso, Coumcoumbre-d'ase, Giscle, Cagaroto.

Noms en français : Concombre sauvage, Momordique.

Descripcioun :
Quouro fai si fru que sèmblon de pichot coumcoumbre, la coucoumbrasso se recounèis entre milo. Aquéli gisclon si grano un cop madur (gisclet). Li fueio fan de triangle e li flour soun jaunasso.

Usanço :
La coucoumbrasso es uno planto di proun empouisounanto. Ei vióulamen purgativo e diuretico. P. Lieutaghi raporto que lou coumcoumbre-fèr sarié bon pèr lucha contro lou mau de dènt.

Port : Erbo
Taio : Pancaro entresigna
Fueio : alterno
Tipe bioulougico : Pancaro entresigna
Cicle bioulougico : Pancaro entresigna

Gènre : Ecballium
Famiho : Cucurbitaceae

Coulour de la flour : Jauno
Petalo : 5
Ø (o loungour) flour : Pancaro entresigna
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Noun

Liò : Escoumbre e proche dis oustau
Estànci : Pancaro entresigna
Couroulougi : Pancaro entresigna
Ref. sc. : Ecballium elaterium (L.) A.Rich., 1824

Canfourato

Camphorosma monspeliaca

Amaranthaceae Chenopodiaceae

Autre noum : Canfrado.

Noms en français : Camphorine de Montpellier, Camphrée.

Descripcioun :
La canfourato es une planto rebaladisso que trachis dins li tepiero sablouso majamen en ribo de mar. Li cambo soun cuberto de péu crespu, li fueio d'en bas soun primo alor que li d'en aut, soun mai óuvalo. Li flour, mistoulino, an 4 estamino e dous estigmate.

Usanço :
Au contro de ço que se pòu legi un pau d'en pertout, la canfourato a pas gès d'óudour de canfre (o bessai acò èi de vèire emé li relarg). La planto sarrié vertuouso contro lou tussi, pèr faire pissa, suda, e pèr sougna li plago e li macaduro.

Port : Pichoto planto lignouso
Taio : 10 à 60 cm
Fueio : alterno
Tipe bioulougico : Camefite
Cicle bioulougico : Planto renadivo

Gènre : Camphorosma
Famiho : Amaranthaceae
Famiho classico : Chenopodiaceae

Coulour de la flour : Verdo
Petalo : ges
Ø (o loungour) flour : 2 à 3 mm
Flourido : Estiéu - Autouno

Sòu : Ca
Autour basso e auto : Pancaro entresigna
Aparado : Noun
Avoust à Nouvèmbre

Liò : Mar - Sablo - Tepiero seco - Escoumbre e proche dis oustau
Estànci : Termoumediterran à Mesoumediterran
Couroulougi : Éurasiatico-Cèntre-Ouèst
Ref. sc. : Camphorosma monspeliaca L., 1753

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Ecballium elaterium & Camphorosma monspeliaca

Coumpara Coucoumbrasso emé uno autro planto

Coumpara Canfourato emé uno autro planto