Plantun de Prouvènço

Pèr counèisse e recounèisse li planto d'encò nostre

Serreto

Schoenoplectus tabernaemontani

Cyperaceae

Àutri noum : Jounc-de-la-palun, Sarreto.

Noms en français : Jonc-des-chaisiers, Jonc-des-tonneliers.

Descripcioun :
La serreto, o jounc-de-la-palun, fai de lòngui cambo souvènti-fes verdalo (subsp.glaucus-fotò-) bèn couneigudo pèr li sagnaire. La bratèio despasso raramen l'inflourejado facho de noumbróusis espigueto (3 à 11 mm). Lis escaumo soun bruno, retaiado e cihado. I'a, en generau, dous estigmate.

Usanço :
Li cambo de serreto soun plegadisso emai proun resistènto. Un cop secado servien pèr sagna li cadiero emai pèr la banastarié e la capelarié. Lis indian d'Americo n'en fasien meme de batèu.

Bioulougìo - Usanço - Classificacioun

Port : Grando erbo
Taio : 0,5 à 3 m
Fueio : costo paralèlo
Tipe bioulougico : Eloufite
Cicle bioulougico : Planto renadivo
Fourestiero : Noun

Coulour de la flour : Verdo
Petalo : ges
Ø (o loungour) flour : Pancaro entresigna
Flourido : Printèms - Estiéu

Aparado : Noun

Empouisounanto : Pancaro entresigna
Manjadisso : Noun

Vertuouso : Pancaro entresigna

Gènre : Schoenoplectus
(Gènre proche: Scirpus)
Famiho : Cyperaceae
Filougenìo : Tracheophyta

Ref. sc. : Schoenoplectus tabernaemontani (C.C.Gmel.) Palla, 1888 (= Schoenoplectus lacustris subsp. glaucus Bech = Scirpus lacustris L., 1753 )