Plantun de Prouvènço

Pèr counèisse e recounèisse li planto d'encò nostre

Fragoun(-de-nèu)

Potentilla nivalis

Rosaceae

Nom en français : Potentille des neiges.

Descripcioun :
Aquéu fragoun, emé si fueio argentado, douno d'èr à-n-uno pato-de-lioun (Alchemilla). Pamens fau bèn regarda la flour que ié sèmblo pas. Trachis en auto mountagno dins li fendasclo de roucas e li pelouso roucaiouso ounte ié flouris l'estiéu. Au nostre s'atrobo soulamen la subsp. nivalis. Lou fragoun-de-nèu èi bourrihu au contro dóu fragoun-de-Valdieri qu'èi sedous (péu contro la fueio) que vèn soulamen dins lis Aup marino. Coumpara emé lou fragoun-de-Valdieri. La planto èi marcado sus listo roujo categourìo LC, valènt à dire soucit minour.

Usanço :
Counneissèn pas d'usanço particuliero pèr aquelo planto. Escriéure au site se n'en sabès mai.

Bioulougìo - Usanço - Classificacioun

Port : Erbo
Taio : 8 à 25 cm
Fueio : basalo
Tipe bioulougico : Emicriptoufite
Cicle bioulougico : Planto renadivo
Fourestiero : Noun

Coulour de la flour : Jauno
Petalo : 4
Ø (o loungour) flour : 4 à 5 mm
Flourido : Estiéu
Juliet à avoust
Aparado : Listo roujo

Empouisounanto : Noun
Manjadisso : Noun

Vertuouso : Noun

Gènre : Potentilla
Famiho : Rosaceae
Ordre : Rosales
Filougenìo : Tracheophyta

Ref. sc. : Potentilla nivalis Lapeyr., 1782

fotò

Ecoulougìo - Partisoun

Liò : Pelouso roucaiouso - Roucas

Estànci : Subaupen, Aupen.

Couroulougi : Ouroufito-Sud-Ouèst-Éuroupenco

Sòu : Si

Autour basso e auto : 1500 à 2700 m

Aboundànci : R

Fitousoucioulougìo

Classo : Pancaro entresigna

Ordre : Pancaro entresigna

Alianço : Pancaro entresigna

Assouciacioun : Pancaro entresigna

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

fotò

ges

ges

ges

ges

ges

RR

ges

C

Coumpara Fragoun(-de-nèu) emé uno autro planto

fotò

Uno questioun, uno remarco...