Plantun de Prouvènço

Pèr counèisse e recounèisse li planto d'encò nostre

Moulin-de-prat(-agarrussi)

Leontodon hirtus

Asteraceae Compositae

Autre noum : Mounge.

Nom en français : Liondent hérissé.

Descripcioun :
Aquéu moulin-de-prat trachis dins li tepiero umido à bagnado en ivèr. Fai de coulounìo ço qu'es un bon mouien pèr lou destria. Si fueio soun longo de 2 à 8 cm e proun descoupado (fotò). Se recounèis majamen emé si péu que, se sèmblon simple, à la forto lùpi (X 30), soun bifido au bout (fotò). Ansin i'a pas pèr s'engana. Coumpara pamens emé lis àutri moulin-de-prat.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai. Tant se pòu que siegue manjadis emai siegue tant agarrussi.

Bioulougìo - Usanço - Classificacioun

Port : Erbo
Taio : 5 à 20 cm
Fueio : basalo
Tipe bioulougico : Emicriptoufite
Cicle bioulougico : Planto renadivo
Fourestiero : Noun

Coulour de la flour : Jauno
Petalo : >6
Ø (o loungour) enflourejado : 2 cm
Flourido : Printèms - Estiéu - Autouno
Jun à óutobre
Aparado : Noun