Plantun de Prouvènço

Pèr counèisse e recounèisse li planto d'encò nostre

Gourbèio-d'or(-di-gros-fru)

Hormathophylla macrocarpa

Brassicaceae Cruciferae

Nom en français : Alysson à gros fruits.

Descripcioun :
La gourbèio-d'or-di-gros-fru trachis en mato dins li roucas e sus li cresten venta di colo cauquiero dins l'uba de la "Valado dóu Rose". Es uno planto mai coumuno dóu coustat de l'Ardècho e d'un biais generau à l'ouèst dóu Rose. Se recounèis eisadamen emé si gros fru d'un pau mens d'un cm. Lis estile soun long de 2,5 à 3,5 mm e li grano soun bèn alado (fotò), au contro de sa cousino la gourbèio-d'or-espinouso, Hormatophylla spinosa, que trachis en "Basso Prouvènço".

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Bioulougìo - Usanço - Classificacioun

Port : Pichoto planto lignouso
Taio : 10 à 30 cm
Fueio : alterno
Tipe bioulougico : Camefite
Cicle bioulougico : Planto renadivo
Fourestiero : Noun

Coulour de la flour : Blanco
Petalo : 4
Ø (o loungour) flour : 10 à 15 mm
Flourido : Printèms
Abriéu à jun
Aparado : Vo

Empouisounanto : Noun
Manjadisso : Noun

Vertuouso : Noun

Gènre : Hormathophylla
(Gènre proche: Alyssum)
Famiho : Brassicaceae
Famiho classico : Cruciferae
Ordre : Brassicales
Filougenìo : Tracheophyta

Ref. sc. : Hormathophylla macrocarpa (DC.) P.Küpfer, 1974 (= Alyssum macrocarpum DC., 1821 )

fotò

Ecoulougìo - Partisoun

Liò : Roucas - Cresten venta

Estànci : Mesoumediterran, Subremediterran.

Couroulougi : Mediterrano-Moutagnouso-Nord-Ouèst

Sòu : Ca

Autour basso e auto : 100 à 800 m

Aboundànci : RR

Fitousoucioulougìo

Classo : Asplenietea trichomanis

Ordre : Asplenietalia petrarchae

Alianço : Asplenion petrarchae

Assouciacioun : Asplenio petrarchae-Campanuletum macrorhizae

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Coumpara Gourbèio-d'or(-di-gros-fru) emé uno autro planto

Uno questioun, uno remarco...