Plantun de Prouvènço

Pèr counèisse e recounèisse li planto d'encò nostre

fotò
fotò Blet

Amaranthus blitum

Amaranthaceae

Autre noum : Bledo-sóuvajo.

Nom en français : Amarante blette.

Descripcioun :
Lou blet es uno amaranto pulèu chanjadisso, siegue drecho, siegue couchado au sòu, pòu èstre verdo o rouginasso coume sus li fotò. Trachis dins li relarg pulèu bagna o umide, coume li mueio o en ribo d'aigo, e tambèn dins lis escoumbre. Se recounèis subretout à si fueio, proun larjo e souvènt acabado pèr dos partido.

Usanço :
Coume lis àutris amaranto, lou blet se manjo crus en ensalado vo cue coume d'espinarc (pas trop n'en manja pamens pèr l'acide óussali e li nitrate). Li grano se manjon cruso, grasihado o boulido (15 mn) coume voulès. Pamens es uno di ràris amaranto dóu païs, que s'atrobo mens qu'à passa tèms. Manjas pulèu lis envahissènto.

Bioulougìo - Usanço - Classificacioun

Port : Erbo
Taio : 20 à 80 cm
Fueio : alterno
Tipe bioulougico : Teroufite
Cicle bioulougico :
Planto de l'an
Fourestiero : Noun

Coulour de la flour : Verdo
Petalo : 3
Ø (o loungour) enflourejado : 4 à 6 cm
Flourido : Estiéu - Autouno

Aparado : Noun

Empouisounanto : Noun
Manjadisso : Vo

Vertuouso : Noun

Gènre : Amaranthus
Famiho : Amaranthaceae
Ordre : Caryophyllales
Filougenìo : Tracheophyta

Ref. sc. : Amaranthus blitum L., 1753

fotò

Ecoulougìo - Partisoun

Liò : Champ - Mueio - Ribiero - Escoumbre e proche dis oustau

Estànci : Termoumediterran, Mesoumediterran.

Couroulougi : Cousmoupoulito

Sòu : Ca (Si)

Autour basso e auto : Pancaro entresigna

Aboundànci : R

Fitousoucioulougìo

Classo : Sisymbrietea officinalis

Ordre : Pancaro entresigna

Alianço : Pancaro entresigna

Assouciacioun : Pancaro entresigna

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.
fotò Rose Plano Auto Basso Safrouso Preaupenco Marino Aup
R
RR
RR
R
C
RR
RR
RR

Coumpara Blet emé uno autro planto

fotò

Uno questioun, uno remarco...