Li Polygonaceae (famiho de l'eigreto), soun d'erbo, d'aubret o de liano (Fallopia). Li fueio soun alterno (1) emé d'estipulo remarcablo. Aquéli soun soudado en guèino que ié dison l'ocrea (2). Ei souvènti-fes impourtant de la bèn aluca. Li flour (3) soun ermafroudito o d'un soulet sèisse de 3 à 6 divisioun (4). Li tepalo soun sus un o dous verticile. I'a de 6 à 9 estamino (5). L'óuviero es en subre, à uno souleto lojo e uno óuvulo (6). I'a 2 o 3 estigmate (7). Lou periante, que soubro après la flouresoun, crèis e fai d'alo au fru (8). Lou fru (8) es un akène en lentiho o di tres partido.