Famiho : Lamiaceae, i'a 95 meno.

Pèr counèisse e recounèisse li planto d'encò nostre

Li Lamiaceae (famiho de la ferigoulo) soun majamen d'erbo e de cop que i'a de pichòti planto lignouso emé de cambo en generau carrado (2), souvènti-fes glandoulouso e aroumatico coume la ferigoulo.

Li fueio soun óupousado, e pulèu simplo (1).

Li flour soun irreguliero (3) en grapo lateralo verticillado à l'entour di cambo, lis enflourejado fourmant un espi o uno paumo pampouso.

Lou calice es à cinq dènt (4), de fes emé dos labro (Brunella, Melittis, Scutellaria...).

Li petalo soun sóudado e formon uno corollo à dos labro, aleva encò Ajuga, Lycopus, Mentha e Teucrium.

I'a quatre estamino, pu raramen dos (Rosmarinus, Salvia, ...).

Lou fru (5-6) èi coumpausa de quatre partido (nuculo) que caupon caduno uno souleto grano.