Famiho : Gentianaceae, i'a 20 meno.

Pèr counèisse e recounèisse li planto d'encò nostre

Li Gentianaceae soun tóuti d'erbo de l'an o renadivo, sènso péu e au goust acide.

Li fueio (1) soun óupousado, entiero e sènso estipulo.

Fan siegue d'enflourejado (cimo, pinceloun, en tèsto) o de flour souleto.

Li flour (2) soun reguliero, ermafroudito, di 4 à 5 (8) partido. Se duerbon toutalamen que se i'a de soulèu o bèn de lume.

Li sepalo e li petalo, envirtouiado dins lou boutoun, soun soudado à la baso (3).

I'a lou meme noumbre d'estamino que de petalo (5). L'óuviero es en subre emé dos carpelo soudado (6).

Lou fru es un boursèu (7).