Li Cyperaceae soun d'erbo renadivo que se recounèisson majamen à si cambo en triangle (8), mai que podon èstre de fes roundo. Crèisson dins de marrit relarg o tout plen d'aigo. Li fueio à costo paralèlo soun rejo. Se podon èstre engueinanto emé un fourrèu (3), soun pas fendudo sus lou davans coume li Poaceae. Li flour brunello, negro, verdo, blanco o jauno soun, pèr la maje-part, ermafroudito (7, 9) o masclo (11) e femello (13) sus la memo planto. S'atrobon contro uno bratèio (escaumo-5), impourtanto pèr la determinacioun, e formon d'espigueto (7, 9). Lis espigueto s'assèmblon pèr douna d'espi (1, 13). Encò li Carex, lis espigueto caupon uno souleto flour masclo o femello. I'a ges de periante impourtant (14), mai de cop que i'a de péu (Eriophorum). I'a, en generau, tres estamino e un estile (4, 5) emé dous o tres estigmate. L'óuviero èi libro. Lou fru (6), impourtant pèr la determinacioun di Carex, èi se, indeïscènt e caup uno souleto grano.