Famiho : Caryophyllaceae, i'a 97 meno.

Pèr counèisse e recounèisse li planto d'encò nostre

Li Caryophyllaceae (famiho de la giróuflado) soun d'erbo emé de fueio simplo e óupousado (2), raramen alterno, cade paréu bouta en angle dre vis-à-vis d'aquéu de dessouto (3).

De fes i'a d'estipulo membranouso.

Li flour soun reguliero (1, 4), blanco o roso e en generau ermafroudito (7).

I'a quatre o cinq sepalo libro o sóudado (5). Se vèi quatre o cinq petalo (6), de cop que i'a ges, que podon èstre tout d'uno aprimado (petalo à ounglet).

En generau se retrobon vuech à dès estamino (7), raramen mens, e dous à cinq estigmate (8).

Lou fru es un boursèu (9) que se fendasclo, aleva encò Cucubalus mounte i'a uno "grano".