Famiho : Campanulaceae, i'a 27 meno.

Pèr counèisse e recounèisse li planto d'encò nostre

Li Campanulaceae (famiho di campanello) soun d'erbo de l'an o renadivo, souvènt emé de la.

Li fueio, simplo, soun pulèu alterno emé ges d'estipulo (1).

An de gràndi flour regulièro, poulideto, de coulour bluio o vióuleto (2). Soun raramen soulitàri mai pulèu en grapo o en paumo (1). Encò Phyteuma e subretout Jasione soun proun sarrado, ço que douno d'èr à uno Asteraceae o à uno escabiouso

Lou calice (4), à cinq sepalo, de cop que i'a tres, èi sóuda à l'óuviero. Li petalo formon en generau uno campaneto, emé un tube mai o mens long (3).

I'a cinq estamino sóudado o libro (2). I'a un soulet estile e de dous à cinq estigmate. L'óuviero èi sóudado au calice.

Lou fru (5), de dos à cinq partido (6), es un boursèu deïscènt pèr d'asclo o de trauquihoun.