Plantun de Prouvènço

Pèr coumpara dos planto d'encò nostre

Rosa rubiginosa & Valeriana officinalis subsp. sambucifolia

Agufié(-roussas)

Rosa rubiginosa

Rosaceae

Àutri noum : Agoulencié, Agrufié, Agoulancié, Grato-quiéu, Tapo-cuou.

Nom en français : Églantier couleur de rouille.

Descripcioun :
Aquel agufié, Rosa rubiginosa, fai parti dóu group d'agoulencié qu'an de glando resinouso dessouto li fueio, ço que ié dounon aquesto coulour roussasso. Trachis dins li relarg dubert coume lis orle de bos. Se destrìo de Rosa micrantha qu'a lis estile lanu, si flour soun mai grando e peréu soun óurifice calicinau pu larg.

Usanço :
Tóuti lis agufié fan de fru (grato-cuou, agoulènço...), riche en vitamino C e anti-enflamatiéu, que soun bon à manja, majamen en counfituro.

Port : Aubret
Taio : 1 à 3 m
Fueio : coumpausado
Tipe bioulougico : Faneroufite
Cicle bioulougico : Planto renadivo

Gènre : Rosa
Famiho : Rosaceae

Ordre : Rosales

Coulour de la flour : Roso
Petalo : 5
Ø (o loungour) flour : 30 à 50 mm
Flourido : Printèms - Estiéu

Sòu : Ca
Autour basso e auto : 0 à 1800 m
Aparado : Noun
Mai à juliet

Liò : Orle de bos - Espinas
Estànci : Mesoumediterran à Mountagnard
Couroulougi : Éuroupenco
Ref. sc. : Rosa rubiginosa L., 1771

Valeriano

Valeriana officinalis subsp. sambucifolia

Caprifoliaceae Valerianaceae

Noms en français : Valériane à feuilles de sureau, Valériane officinale.

Descripcioun :
La valeriano es uno grando planto (1,5 à 2,5 m) que trachis dins li relarg mountagnous. Se recounèis à si fueio coumpausado (la souleto espèci coume acò) ; li d'en bas an de 5 à 9 fuioun en formo de lanço e denta. Se destrìo de Valeriana officinalis subsp. officinalis pèr lou noumbre de fueioun e la loungour de la corollo qu'èi mai longo (> 5mm).

Usanço :
La planto èi couneigudo despièi li Grè pèr èstre proun vertuouso majamen contro li proublèmo de som, d'ànci, de reboulimen, pèr apasima li nèrvi e autre. Ei subretout la racino que s'utiliso (en tisano).