Plantun de Prouvènço

Pèr coumpara dos planto d'encò nostre

Potentilla pedata & Picea glauca

Potentilla pedata

Rosaceae

Nom en français : Potentille dressée.

Descripcioun :
Aquéu fragoun que trachis dins li tepiero seco de basso Prouvènço es intermediàri entre lou fragoun-pelous, Potentilla hirta e lou fragoun-dreissa, Potentilla recta. Se n'en destrìo bonodi la fueio : avisas-vous que lou tros dóu mitan ague de 7 à 15 dènt e que descendon pas fin qu'à la baso (fotò). I'a quàuquis estipulo que soun pas entiero peréu.

Usanço :
A bessai li mémis usanço que d'àutri fragoun : lucha contro la cagagno e sarra li car (presènci de tanin).

Port : Erbo
Taio : 15 à 40 cm
Fueio : coumpausado
Tipe bioulougico : Emicriptoufite
Cicle bioulougico : Planto renadivo

Gènre : Potentilla
Famiho : Rosaceae

Ordre : Rosales

Coulour de la flour : Jauno
Petalo : 5
Ø (o loungour) flour : 2 à 3 Cm
Flourido : Printèms

Sòu : Ca
Autour basso e auto : 0 à 800 m
Aparado : Noun
Abriéu à jun

Liò : Roucaio - Tepiero seco - Relarg à jóuinis aubret
Estànci : Mesoumediterran à Subremediterran
Couroulougi : Ouroufito-Sud-Ouèst-Éuropo
Ref. sc. : Potentilla pedata Willd. ex Hornem., 1815 (= Potentilla hirta subsp. pedata (Willd. ex Schltdl.) Holmboe, 1914 )

Serento(-verdalo)

Picea glauca

Pinaceae

Àutri noum : Serénta, Sarento, Sourento, Serinte, Sùfi.

Nom en français : Epinette blanche.

Descripcioun :
Aquesto serento nous vèn d'Americo de l'uba (Alaska e Canada). En Prouvènço èi pas couneigudo coume planto de rebouscage (au contro di Pirenèio e de l'Aubrac). Sèmblo proun à nosto serento, pamens li fueio, aleva di jouino que soun bruno, soun bèn verdalo. Li pigno soun mens longo peréu (2,5 à 6 cm). Aquéstis aubre vènon de l'Erbo-blanco en Alouos (04). Sabèn pas se van se naturalisa.

Usanço :
Dèu agué li mémis usanço que la serento.