Plantun de Prouvènço

Pèr coumpara dos planto d'encò nostre

Malva neglecta & Astragalus stella

Malva neglecta

Malvaceae

Noms en français : Mauve à feuilles rondes, Mauve commune.

Descripcioun :
L'espinarc-d'Auvergno trachis proche dis oustau, dins li pargue à fedo, que i'agrado l'azote. Si fueio, verdo e cendrado, à limbe redoun e long pecou, relabon au sòu. Fai de flour blanco raiado de roso e pourtado pèr un pecou de 1 à 6 cm.

Usanço :
Coume soun noum lou dis, es uno planto manjadisso. Frederi Mistral (TdF) raporto que se n'en manjo li jòuini fueio. Pulèu li faire couire coume d'espinarc qu'arrapon un pau la lengo. Li fru peréu podon èstre cousina, an goust d'avelano.

Port : Erbo
Taio : Pancaro entresigna
Fueio : alterno
Tipe bioulougico : Teroufite
Cicle bioulougico : Planto de l'an

Gènre : Malva
Famiho : Malvaceae

Coulour de la flour : Roso
Petalo : 5
Ø (o loungour) flour : Pancaro entresigna
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Noun

Liò : Escoumbre e proche dis oustau - Champ
Estànci : Mesoumediterran à Mountagnard
Couroulougi : Pancaro entresigna
Ref. sc. : Malva neglecta Wallr., 1824

Cese-fèr(-estela)

Astragalus stella

Fabaceae Leguminosae

Noms en français : Astragale en étoile, Astragale à gousses en étoile.

Descripcioun :
Lou cese-fèr-estela trachis dins li tepiero de Prouvènço secarouso. Es uno planto di proun peludo que se recounèis à si grapo de flour vióuleto pulèu pichoto (5 à 11 mm) groupado sus un long pecou tant long o pu long que la fueio d'à coustat. Segur qu'en fru, èi pas poussible de s'engana que li dòusso s'escarton coume d'estello.

Usanço :
Avèn ges d'entresigne segur sus aquelo planto. Pamens fau saupre que d'ùni cese-fèr (gènre Astragalus e Oxytropis) soun empouisounant (dounon de proublèmo néuroulougi).

Port : Erbo
Taio : 5 à 25 cm
Fueio : coumpausado
Tipe bioulougico : Teroufite
Cicle bioulougico : Planto de l'an

Gènre : Astragalus
Famiho : Fabaceae
Famiho classico : Leguminosae

Ordre : Fabales

Coulour de la flour : Vióuleto
Petalo : irreguliero
Ø (o loungour) flour : Pancaro entresigna
Flourido : Printèms

Sòu : Ca
Autour basso e auto : 0 à 800 m
Aparado : Noun

Liò : Tepiero seco
Estànci : Mesoumediterran à Subremediterran
Couroulougi : Pancaro entresigna
Ref. sc. : Astragalus stella Gouan, 1773

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Malva neglecta & Astragalus stella

Coumpara Espinarc-d'Auvergno emé uno autro planto

Coumpara Cese-fèr(-estela) emé uno autro planto