Plantun de Prouvènço

Pèr coumpara dos planto d'encò nostre

Limonium girardianum & Cerastium fontanum

Limonium girardianum

Plumbaginaceae

Noms en français : Saladelle de Girard, Statice de Girard.

Descripcioun :
Aquesto saladello, pas bèn grando, a de fueio un pau largo e espatulado. Pèr ço que toco li flour, fau bèn regarda se lis espigo an mai de 8 espigueto pèr cm e apignelado sus dos renguiero. I'a pas gaire de ramo esterlo dins aquelo meno. Es uno planto proumiero à trachi dins lis anciàni salino. La planto es aparado categourìo LC, valènt à dire soucit minour.

Usanço :
Poudèn pensa que li fueio soun manjadisso mai avèn pas d'entresigne segur. Escriéure au site se n'en sabès mai.

Port : Pichoto planto lignouso
Taio : Pancaro entresigna
Fueio : basalo
Tipe bioulougico : Camefite
Cicle bioulougico : Planto renadivo

Gènre : Limonium
Famiho : Plumbaginaceae

Ordre : Caryophyllales

Coulour de la flour :
Petalo : 5
Ø (o loungour) flour : Pancaro entresigna
Flourido : Estiéu - Autouno

Sòu : Ca
Autour basso e auto : Pancaro entresigna
Aparado : Noun

Liò : Sansouiro - Mar
Estànci :
Couroulougi : Pancaro entresigna
Ref. sc. : Limonium girardianum (Guss.) Fourr.

Ceraiste(-di-font)

Cerastium fontanum

Caryophyllaceae

Nom en français : Céraiste des fontaines.

Descripcioun :
Es uno planto pelouso emé de long entre-nous. Li fueio soun bèn verdo, pulèu larjo e pelouso peréu. Pòu viéure uno annado, dos o mai. Li petalo soun gaire mai long que li sepalo, aquésti soun bourda d'uno membrano que laisso passa lou lume. Coumpara emé lis àutri ceraiste pelous pèr pas s'engana. I'a uno souleto subsp. encò nostre : la subsp. vulgare.

Usanço :
Li jóuini fueio soun manjadisso, mai couneissèn pas d'usanço particuliero au nostre. Lis indian Chirokee emplegavon uno tisano de tijo e racino contro li vèrme.