Plantun de Prouvènço

Pèr coumpara dos planto d'encò nostre

Erophila verna & Picea glauca

Erophila verna

Brassicaceae Cruciferae

Noms en français : Drave printanière, Drave du printemps.

Descripcioun :
Pichoto planto menudo que fai pèr lou mai 10 cm d'auturo. Sèmblo un Cerastium emé si petalo escavado sus la mita. Pamens a bèn 4 petalo e 2 + 4 estamino. Li flour fan quàuqui mm, pas toujour bèn duberto. La cambo de flour sort d'uno pichoto rouseto basalo. Flouris d'ouro au mitan de l'ivèr, d'aqui que vèn soun noum.

Usanço :
Servié à passa tèms pèr sougna li panàri. Li fueio podon èstre mesclado is ensalado, mai faudra vous leva d'ouro.

Port : Erbo
Taio : 3 à 15 (20) cm
Fueio : basalo
Tipe bioulougico : Teroufite
Cicle bioulougico : Planto de l'an

Gènre : Erophila
Famiho : Brassicaceae
Famiho classico : Cruciferae

Coulour de la flour : Blanco
Petalo : 4
Ø (o loungour) flour : Pancaro entresigna
Flourido : Ivèr

Sòu : Ca
Autour basso e auto : Pancaro entresigna
Aparado : Noun

Liò : Champ - Paret - Roucas
Estànci : Termoumediterran à Mountagnard
Couroulougi : Pancaro entresigna
Ref. sc. : Erophila verna (L.) Chevall., 1827

Serento(-verdalo)

Picea glauca

Pinaceae

Àutri noum : Serénta, Sarento, Sourento, Serinte, Sùfi.

Nom en français : Epinette blanche.

Descripcioun :
Aquesto serento nous vèn d'Americo de l'uba (Alaska e Canada). En Prouvènço èi pas couneigudo coume planto de rebouscage (au contro di Pirenèio e de l'Aubrac). Sèmblo proun à nosto serento, pamens li fueio, aleva di jouino que soun bruno, soun bèn verdalo. Li pigno soun mens longo peréu (2,5 à 6 cm). Aquéstis aubre vènon de l'Erbo-blanco en Alouos (04). Sabèn pas se van se naturalisa.

Usanço :
Dèu agué li mémis usanço que la serento.