Plantun de Prouvènço

Pèr coumpara dos planto d'encò nostre

Carlina lanata & Myosotis laxa

Carlina lanata

Asteraceae Compositae

Nom en français : Carline laineuse.

Descripcioun :
La cardinello-lanudo es uno planto de l'an pulèu raro au nostre aleva dins la plano de coustiero mounte se pòu trouba pèr endré. Sèmblo, emé lou rescaufamen, remounta vers l'uba. Li flour coumpausado soun grosso en raport emé la taio de la planto. Li bratèio dóu dedins soun pourpro à roso.

Usanço :
Èi bessai manjadisso coume lis àutri cardinello, mai avèn pas d'entresigne segur.

Port : Erbo
Taio : 10 à 30 cm
Fueio : alterno
Tipe bioulougico : Teroufite
Cicle bioulougico : Planto de l'an

Gènre : Carlina
Famiho : Asteraceae
Famiho classico : Compositae
Tribu : Cardueae
Ordre : Asterales

Coulour de la flour : Roso
Petalo : >6
Ø (o loungour) enflourejado : 2 à 3 cm
Flourido : Printèms - Estiéu

Sòu : Ca
Autour basso e auto : 0 à 600 m
Aparado : Noun
Jun à avoust

Liò : Ermas - Tepiero seco
Estànci : Termoumediterran à Mesoumediterran
Couroulougi : Estenoumediterrano
Ref. sc. : Carlina lanata L., 1753

Te-vese-e-t'ame(-fourro-bourro)

Myosotis laxa

Boraginaceae

Àutri noum : Ti-viéu-e-t'aìmi, Uei-de-l'enfant-Jèsu.

Nom en français : Myosotis gazonnant.

Descripcioun :
Aquéu te-vese-e-t'ame, pulèu rare, trachis en ribo de ribiero, dins li prado umido e li roubino de palun. Emé si péu contro li sepalo se destrìo dis aùtri Myosotis di flour pas trop grosso. Tambèn, i'a ges de bratèio dins l'enflourejado e lou "calice" crèis proun après la flourido.

Usanço :
Li flour podon se bouta dins lou mesclun. Se dis que li te-vese-e-t'ame soun vertuous contro l'enflamacioun, majamen pèr lis iue ("principe di signaturo").