Plantun de Prouvènço

Pèr coumpara dos planto d'encò nostre

Arum cylindraceum & Medicago coronata

Sangueiroun(-en-cilindre)

Arum cylindraceum

Araceae

Àutri noum : Figueiroun, Rasin-de-serp, Caulet-de-serp, Erbo-dragouno, Erbo-di-porc.

Noms en français : Arum des Alpes, Gouet des Alpes.

Descripcioun :
Aquest sanguieroun, rare au nostre, trachis dins li blachiero e li faio. Se destrìo de Arum italicum bèn mai coumun, que soun espadice èi prim e vióulet (jaune encò de A. italicum) e de Arum maculatum que li fueio soun pas jamai tacado e gaire sagitado, e emé uno espato mai estrecho e mens duberto. Apoundèn que la cambo de flour èi eici tant longo que li pecou di fueio.

Usanço :
Dèu agué, cresèn, li mémi prouprieta que lou sanguieroun coumun.

Port : Erbo
Taio : 15 à 30 cm
Fueio : basalo
Tipe bioulougico : Geoufite
Cicle bioulougico : Planto renadivo

Gènre : Arum
Famiho : Araceae

Ordre : Alismatales

Coulour de la flour :
Petalo : ges
Ø (o loungour) flour : 4 à 5 cm
Flourido : Printèms

Sòu : Ca
Autour basso e auto : 0 à 1400 m
Aparado : Noun
Abriéu à mai

Liò : Blachiero - Faio - Baus
Estànci : Mesoumediterran à Subremediterran
Couroulougi : Éuropenco
Ref. sc. : Arum cylindraceum Gasp., 1814

Luserno(-courounado)

Medicago coronata

Fabaceae Leguminosae

Noms en français : Luzerne à gousses en couronne, Luzerne couronnée.

Descripcioun :
Aquesto pichoto luserno trachis dins li tepiero roucaiouso e li baus caud. La planto èi bourrihudo d'en pertout emé d'estipulo gaire prefoundo. Li flour, pièi li fru soun pourta pèr de long pecou bèn mai long que la fueio d'à coustat. Se recounèis peréu à si dòusso en courouno eisado de destria (viron sus 1 à 3 tour, emé d'espino croucudo -fotò).

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 5 à 30 cm
Fueio : coumpausado
Tipe bioulougico : Teroufite
Cicle bioulougico : Planto de l'an

Gènre : Medicago
Famiho : Fabaceae
Famiho classico : Leguminosae

Ordre : Fabales

Coulour de la flour : Jauno
Petalo : irreguliero
Ø (o loungour) flour : 2 à 3 mm
Flourido : Printèms

Sòu : Ca
Autour basso e auto : Pancaro entresigna
Aparado : Noun
Abriéu à jun

Liò : Tepiero roucaiouso - Roucaio - Baus - Garrigo
Estànci : Termoumediterran à Subremediterran
Couroulougi : Estenoumediterrano
Ref. sc. : Medicago coronata (L.) Bartal., 1776

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Arum cylindraceum & Medicago coronata

ges

Coumpara Sangueiroun(-en-cilindre) emé uno autro planto

Coumpara Luserno(-courounado) emé uno autro planto