Plantun de Prouvènço

Pèr counèisse e recounèisse li planto d'encò nostre

fotò
fotò Barbulo-recourbado

Streblotrichum convolutum

Pottiaceae

Nom en français : barbule des champs.

Descripcioun :
Aquelo mousso trachis sus lou sòu e sus lis endré ounte i'a un pau de terro. I'agrado li liò dubert e lou lume. Emai siegue diouïco fai facilamen d'espouroufite à la primo o l'estiéu. Se recounèis à si fueio que caupon uno longo costo, emé de bord recurva à la baso e que devènon espiralado un cop seco. Lou boursèu èi verd-brun alor que la couifo se trovo èstre longo e jauno. Dedins li dènt dóu peristome soun peréu longo e espiralado.

Counfusioun :
Es proche d'àutri meno dóu meme gènre, coume Barbula unguiculata un pau pu forto emé la fueio acabado pèr uno longo pouncho, li fueio recourbado sus li bord e la sedo roujo. Apoundèn que Streblotrichum convolutum douno de fueio "periquessialo" que fan uno meno de tube à la baso (fotò). Se pòu engana tambèn emé d'àutri Potiaceae.

Bioulougìo - Usanço - Classificacioun

Port : Acroucarpo
Taio : 0,2 à 1 cm
Fueio : 0,8 à 1,8 mm
Planto : Diouïco
Cicle bioulougico : Planto renadivo
Fourestiero : Noun

Urno : 1 à 1,8 mm
Sedo : 1 à 1,2 cm
Peristome : Espiralado, fino
Espouroufite : Printèms Ivèr
Mars à jun
Aparado : Noun

Empouisounanto : Noun
Manjadisso : Noun

Vertuouso : Noun

Gènre : Streblotrichum
(Gènre proche: Barbula)
Soufamiho : Pottioideae
Famiho : Pottiaceae
Ordre : Pottiales
Filougenìo : Bryophyta

Ref. sc. : Streblotrichum convolutum (Hedw.) P.Beauv., 1805 (= Barbula convoluta Hedw., 1801 )

Ecoulougìo - Partisoun

Liò : Sòu - Bord de camin - Muraio emé terro - Champ

Estànci : Mesoumediterran, Subremediterran, Coulinen, Mountagnard, Subaupen.

Couroulougi : Oulartico e Mieterrano

Sòu : Ca

Autour basso e auto : 0 à 1800 m

Aboundànci : C

Fitousoucioulougìo

Classo : Barbuletea unguiculatae

Ordre : Barbuletalia unguiculatae

Alianço : Grimaldion fragrantis

Assouciacioun : Pancaro entresigna

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.
fotò Rose Plano Auto Basso Safrouso Preaupenco Marino Aup
C
R
R
C
C
R
CC
C

Coumpara Barbulo-recourbado emé uno autro planto

fotò

Uno questioun, uno remarco...