Plantun de Prouvènço

Pèr counèisse e recounèisse li planto d'encò nostre

fotò
fotò Pimpinello(-à-berrugo)

Poterium verrucosum

Rosaceae

Àutri noum : Armentalo-fèro, Freissineto.

Nom en français : Pimprenelle à fruits verruqueux.

Descripcioun :
Aquesto pimpinello-à-berrugo trachis dins la garrigo e li tepiero seco de nòsti colo. Sèmblo proun à la pimpenello, Poterium sanguisorba, mai es uno planto pu pichoto e li fueioun an de dènt mai prefoundo. Lou soulet biais segur de la destria èi de regarda li fru que soun eici forço berrugous (fotò). Coumpara emé la pimpinello que ié sèmblo proun.

Usanço :
Coume pèr sa cousino, li fueio aduson un bon goust de nose o de coumcoumbre à l'ensalado champanello. Ero proun acampado e de cop que i'a cultivado à passa tèms. La planto sarro li car e ajudo à la couagulacioun dóu sang. Sèr pèr sougna li plago e li bruladuro.

Bioulougìo - Usanço - Classificacioun

Port : Erbo
Taio : 8 à 80 cm
Fueio : coumpausado
Tipe bioulougico : Emicriptoufite
Cicle bioulougico :
Planto renadivo
Fourestiero : Noun

Coulour de la flour : Roujo
Petalo : ges
Ø (o loungour) enflourejado : 6 à 20 mm
Flourido : Printèms - Estiéu
Abriéu à juliet
Aparado : Noun

Empouisounanto : Noun
Manjadisso : fotò
Astringènto
Vertuouso : Vulneràri
Emoustatico

Gènre : Poterium
(Gènre proche: Sanguisorba)
Famiho : Rosaceae
Ordre : Rosales
Remarco : Ensalado champanello
Filougenìo : Tracheophyta

Ref. sc. : Poterium verrucosum Link ex G.Don, 1832 (= Sanguisorba verrucosa A. Braun, 1867 )

fotò

Ecoulougìo - Partisoun

Liò : Garrigo - Tepiero seco - Champino

Estànci : Termoumediterran, Mesoumediterran.

Couroulougi : Eurimediterrano

Sòu : Ca (Si)

Autour basso e auto : 0 à 600 m

Aboundànci : C

Fitousoucioulougìo

Classo : Dactylido glomeratae-Brachypodietea retusi

Ordre : Brachypodietalia retusi

Alianço : Phlomido lychnitidis-Brachypodion retusi

Assouciacioun : Pancaro entresigna

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.
fotò Rose Plano Auto Basso Safrouso Preaupenco Marino Aup
C
C
C
CC
C
RR
RR
ges

Coumpara Pimpinello(-à-berrugo) emé uno autro planto

fotò

Uno questioun, uno remarco...